"Дара тұлға, дара жол" атты әдеби кеші

Бүгін мектебімізде Қазақ тілі мен әдебиеті пәні мұғалідерінің ұйымдастыруымен «Дара тұлға,дара жол» атты әдеби кеші өтті. Бүгін мектебіміздің әдеби кешінің арнайы құрметті қонағы кейіпкерінің көмейіне жыр құйдырған журналист, жазушы, «Тарлан-Үміт» сыйлығының иегері, Қазақстанның еңбек сіңірген қызметкері Жүсіпбек Қорғасбек ағамыз болды.Мектебіміздің талантты оқушылары Мектебіміздің оркестрі күй шертіп,10 «Ә» сынып оқушысы Мұхамедхалиева Лейланың орындауындағы әсем ән, 9 «Б» сынып оқушысы Фергет Диананың орындауындағы би, 6 «А» сынып оқушысы Ермек Нұрасылдың орындауындағы керемет ән Жүсіпбек ағамыздың көңілін көтеріп, қуанттырды. Оқушыларымыз және мұғалімдеріміз Жүсіпбек ағамызға өздерінің қызықтырып жүрген сұрақтарын қойып, өз жауаптарын алды. Сонымен қатар Жүсіпбек Қорғасбекұлы бүгін өзінің балалық шағындағы қызықтарын айтып, өмір жолын бізге таныстырды. Кештің соңында мектеп әкімшілігі және мектебіміздің атынан Жүсіпбек ағамызға кішігірім сыйлық сыйладық. Осылай бүгінгі күн өте керемет өтті. Алда бізде осындай әдеби кештер тағы да басқа үлкен жоспарларымыз бар . Қызықтың барлығы әлі алда !