Кеңес әскерінің Ауған жерінен шығарылуына 31 жыл толуына арналған «Жауынгер-ардагерлер» атты тарихи кездесу кеші

Кеңес әскерінің Ауған жерінен шығарылуының 31 жылдығына арналған іс-шаралар ұйымдастырылды. Кездесу 22 ақпан 2020 жылы сағат 10.00 «Алмалыбақ ауылындағы орта мектеп-гимназиясында Ауған жерінде интернационалдық борыштарын өтеп келген жерлестерімізбен кездесу өткізілді. Сол қанды қырғыннан аман келген ағаларымыз ортамызда отырды. Атап айтсақ, олар: Ауған соғысының ардагерлері, Ұмтыл ауылының округі жауынгер-интернационалистері: Ибрагимова Мамадьяр Тұрғанбекович, Нурмагамбетов Мухит, Бекмуратов Галымжан Нурсултанович Ұлан мектебінің алғашқы әскери дайындық пәнінің мұғалімі.
Бұл іс-шара Ауған оқиғасының тарихи мағыналық ақиқатын ашу, тәуелсіздік жолында күрескен ағаларымыздың ерлігін кейінгі ұрпаққа үлгі ете отырып, жастарды Отан сүйгіштікке, ерлікке баулу, Ауған соғысы ардагерлеріне құрмет көрсету мақсатында өткізілді.
Алдымен оқушыларға осы соғыс тақырыбында бейнефильмдер, бейнероликтер көрсетіліп, оқушылар дайындаған өлеңдер оқылып, ән айтылды.
Оқушылар кездесу кешіне келген қонақтардың әсерлі әңгімесін тыңдады. Мектебіміздің 10 сынып оқушыларына әскери есепте тіркелгендігі туралы тіркеу куәліктерін тапсыру рәсімін ауылымыздың Ауған соғысы ардагерлерін ортаға шақыруымен табысталды.
Ауған соғысының ардагерлерімен кездесу мақсатында ұйымдастырылған іс-шара жоғары дәрежеде өтті.